К.В. Иванов ячӗллӗ Чӑваш патшалӑх ҫамрӑксен театрӗн артисчӗ, Чӑваш Енри Театр ӗҫченӗсем пӗрлешӗвӗн ертӳҫи, Чӑваш Республикин халӑх артисчӗ Геннадий Медведев 55 ҫул тултарнӑ.
Канаш районӗнчи Сиккассинче ҫуралнӑскер илемлӗ ҫак цифрӑллӑ ҫула икӗ кун каялла, утӑ уйӑхӗн 10-мӗшӗнче, ҫитнӗ.
Артист пулас ӗмӗтлӗ каччӑ сцена ҫинче тытас ӑсталӑха Мускаври М.С. Щепкин ячӗллӗ театр училищинче илнӗ. Унта вӑл 1978-1983-мӗш ҫулсенче вӗреннӗ. Ҫӗршывӑн тӗп хулинчи заведенине вӗренсе пӗтернӗ ҫулах Чӑваш патшалӑх академи драма театрӗнче ӗҫлеме тытӑннӑ та шухӑша урӑх вылятман, унталла та кунталла куҫса ҫӳремен. Ҫак ҫулсенче ҫывӑхран та ҫывӑх пулса тӑнӑ театр сцени ҫинче выляса пурӑннӑ Геннадий Медведев пӗчӗк рольсене те, пысӑккисене те пӗр пек кӑмӑлланине каланӑччӗ пӗринче.
Нумаях пулмасть К.В. Иванов ячӗллӗ Чӑваш патшалӑх академи драма театрӗнче Раҫҫейри усламҫӑсен кунне халалласа савӑнӑҫлӑ уяв иртнӗ. Унта Михаил Игнатьев Элтепер те хутшӑннӑ.
Мероприятие чӑваш парламенчӗн спикерӗн ҫумӗ Николай Малов, Чӑваш Енри усламҫӑсен прависене хӳтӗлекен уполномоченнӑй Владимир Иванов, республикӑри суту-илӳпе промышленноҫ палатин президенчӗ Игорь Кустарин, ытти тӳре-шара хутшӑннӑ.
Республика Элтеперӗ уяв пӗлтӗрхи ҫул ӗҫ кӑтартӑвӗсене тишкерме май панине, малашлӑхри тӗллевсене палӑртма, пултаруллисене чыслама ирӗк панине асӑннӑ. Усламҫӑсем производствӑсем уҫса, хушма ӗҫ вырӑнӗсем йӗркелесе тата хыснана налук тӳлесе, халӑха кирлӗ таварсемпе тата пулӑшупа вӑхӑтра тивӗҫтерсе республикӑн социаллӑ пурнӑҫӗпе экономикин аталанӑвне питех те паха тӳпе хывнине уйрӑммӑн ырласа каланӑ тесе пӗлтерет Элтепер Администрацийӗн пресс-служби.
Шупашкарта ҫывӑх вӑхӑтра (10.06.2025 21:00) сайра пӗлӗтлӗ ҫанталӑк, атмосфера пусӑмӗ 748 - 750 мм, 18 - 20 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.
| Кабалин Иван Андреевич, Совет Союзӗн Паттӑрӗ ҫуралнӑ. | ||
| Тихонов Вячеслав Архипович, хӑрушлӑхсӑр министрӗ пулнӑ патшалӑх ӗҫченӗ ҫуралнӑ. | ||
| Митта Ваҫлейӗ, паллӑ чӑваш сӑвӑҫи ҫут тӗнчерен уйрӑлнӑ. | ||
| Вдовина Ираида Григорьевна, паллӑ чӑваш юрӑҫи ҫут тӗнчерен уйрӑлса кайнӑ. | ||
| Куславккара Н.И. Лобачевский ячӗллӗ музей уҫӑлнӑ. | ||
![]() | Пулӑм хуш... |